3/11 : 火滾 , 考試o個三粒鐘先病 , 係咁流鼻水 , 同無做過份卷無分別 !!!

11/11 : 無咩點溫 , 無憂無慮考完第二份 . 終於可以認真咁 SM 剩番o個 4 份 Paper !!!

15/11 : 朝早七點訓 --> 十點起身 --> 返 City 影素碧佢o地畢業相 --> 晏晝認真溫書 @ City --> 夜晚食劉卑鄙生日飯 @ 大盛 --> 天使 Cake --> 凌晨去下場 9 樓後座 --> 朝早五點訓 , 一日三場 , 好刺激 !!! 我鐘意一次過出多幾場 , 好過分開幾日出 . 有時間 , 我會出席逢星期六晚o既 9 樓後座 !!!

22/11 : 最後一次做節 , then join 9 樓後座 , 真係 Last 一次 , 一個月後先再見人 !!!

26/11 : 去唔到台灣呀 , 最慘係唔係因為考試 , 又唔係返緊工 , 統統都不是 ..... 我真係想去 , 可惜o既係我唔離開得香港 !!!

27/11 : 同長跑祥 + 單車濤宵夜 @ 大良八記 , 真係好耐無見 !!!

28/11 : 仲貴過上次個金黃葡萄球菌 , 痴線o架 !!!

29/11 : Dinner @ 居樂屋

30/11 : 好飽 , haha , 好耐無食過榴槤飄香 ..... 遲o的開番個榴槤之夜 , 要享受榴槤o既快感 !!!

4/10 : 最後一個星期六返工 , 雖然星期一要交份三千字 Assignment 仲末做 , 但放工特登去睇 Polo , 正 , 好耐無睇 , 超好 , 我真係好鐘意恤衫 .

6/10 : 一早打番公司請假 , 之後返 City 趕住做份死人 3000字 Assignment . 由十點做到夜晚九半 , 真係做到火滾 , 但最後都遲o左半個鐘先交到 , !#$#$% ..... 希望無事 !!! 做完同 Zac 佢o地過o左太子 Dinner .

7/10 : 成個月前買o既兩隻碟 , 今日終於睇o左隻 ; <<瑪麗皇后>> , 感覺係好靚 , 真係好靚 . 之前睇 Paper 3 Past Paper , 比想像中淺 , 但份 Paper 4 比我想像中真係難好多 .....

9/10 : 唔經唔覺 , 聽日就係 Last Day , 我亦都o係呢間 Firm 做o左一年多 . 同我一齊入呢間公司o既 Avis , Eric , 年頭同年中已經走o左 , 今次都終於到我 . 今日 Lunch 算係最後一次齊人 , 食完 Lunch 個同事出 Job 前o黎同我握手 , 哈 , 估唔到我都會有咁o既一日 . 六點開會 , 開到八半 , 最終九半同個蠢同事一齊走 . 雖然同呢屆o的 Junior 相處只係三個月 , 希望佢o地真係學到o野 .

10/10 : 最後一日 , 十一點離開公司 , !@#%$!^% , 連續兩晚走o左堂 , 頂 !!! 再見 , 灣仔o既 OL ; 再見 , 我最唔捨得o既靚靚 !!!

18/10 : 抖o左差唔多一個星期 , 我終於差唔多執好所有 Note 同自己間房 , 我張 "木台" 宜家多o左65% 位做o野 , 實在太好 , 我終於可以認真溫書 !!!

19/10 : 四眼 , 生日快樂 !!!

20/10 : 特登返 City 同林曉茵食 Tea !!! 佢瘦o左呀 , 因為我見到佢真係有條腰 , 而唔再係兩粒魚蛋 .

21/10 : 琴晚發o左個夢 ..... o個o下真係有少少開心同甜 , 不過我知係夢 . 雖然係咁 , 發o下又無妨 , 開心o下都好 , 不過如果係真就更好 !!! 

22/10 : 同卑鄙 , Ceres Lunch @ 南山 , 哈 , 一齊去睇露點相 !!!

23/10 : 同卑鄙 , 李大刀 Lunch @ 又一城 , 我幾時都話李大刀同我個智商係一樣係咁白痴 !!!

25/10 : 同 Nathan , Ivy Lunch @ City . 應該係兩類人 , 反而更好 !!!

27/10 : 同鄭子因一齊返科大溫書 . 其實最鐘意係o係科大溫書 , 因為個海景好靚 !!! 

4/9 : 同 三位 Dinner @ 魚米之尊 , 幾好食 !!! 返到屋企又十二 , 努力溫書 !!!

5/9 : 夜晚同 Y 文 , 符生 Dinner @ 老地方 , 慶祝 Y 文 Pass 埋 Final , 三條 ma 甩佬豪食 , 個冬瓜 "中" , 蝦 , 蠔 ..... 第一次叫咁叉多 , 埋單都係每人 $160 , 正 !!!

6/9 : 16 人食中秋 , 隻八寶鴨好好食 . 呢幾晚都食o左好多好好味o既o野 . 睇怕 9 月我只可以出多一晚 .

8/9 : 哈 , 第一次同老闆同埋 Senior 見個客 , o的感覺幾特別 .  

11/9 : 終於同桃夾到時間 , 食番大家八月o既生日飯 @ APM . 個樣比上次好o左呀 , 哈 .

15/9 : 終於睇完 4 份 PBE 一次 , 實在太好 !!!

18/9 : 原來新o黎個同事之前做奧運義工頒獎 , 真係睇唔出 , 不過真係好高 ...

23/9 : No.8 風球 , 提早兩粒鐘走人 . 夜晚執好哂o黎緊三個月o既 Time Schedule , 發覺o的時間真係好似唔多夠 , 希望 20/11 前真係可以溫熟哂 4 份 .

24/9 : 最後一次同李偉峰 Lunch @ 上環 . 第一次去個會個 Library 度 , 其實幾舒服 , 不過灣仔真係太遠 .

27/9 : 終於上埋最後一科個 Tutorial , o黎緊十月上埋剩番o個一半 Lecture , 11月頭 Part Time Degree 就考試 . 希望下個 Sem o個班 Tutorial , 有靚女望o下 , 如果唔係又迫我 Sit 二個 Tutorial .

29/9 : 終於今晚遞o左信辭職 .

30/9 : 第一次o係相度見 Ah 草條女 , 真係幾 ok ah , 成熟 Look , 我都要快o的考到牌搵番個靚靚 .....

2/8 : 食母親牛一 @ 上樓 . 終於買o左 Chevignon 件褸 . 呢幾日簡直放o左自己假咁 , 真係無溫過書 , 訓o左超多 , 睇怕跟住要還番o的時間俾自己 . 讀埋 Part Time Degree , o的時間真係愈o黎愈唔見駛 .

3/8 : 親愛o既鄭子因 , 三日快樂 !!!

9/8 : 放工上完堂返番 City , 好耐無o係 City 個 Canteen 度食 Tea , 好耐無試過入 City 個 Library 同 CSC . 夜晚過鄭子因個生日 Party , 真係好耐無飲 , 哈 , 好好呀 , 見番好多人 , 耐唔耐有o的咁o既 Party 都真係幾方便 , 由頭直睬到尾 , 返到屋企四半即訓 . 出奇地清醒 , 可能係因為知道幾粒鐘後o既星期日要返工 , 真係心裡一肚火 .

10/8 : 半死咁星期日上班 , 七半頂唔順走人 .

13/8 : 好爽 , 剪o左個死人頭 !!!

14/8 : 哈 , 放工去o左會展美食節 !!! 有得試酒 , 即刻覺得o個十蚊入場費抵番哂 .

15/8 : 火滾 , 我條 Evisu 縮到離哂譜 . 同三個新o黎o既 Junior 一齊 Lunch , 真係好開心 . 夜晚同個靚靚女同事傾o左幾句 , 話聽日遞信走 lu , 希望第時仲有機會見到佢 .

16/8 : Stocktake @ 粉嶺 . 多謝咁多位o既 Msg , 電話 , 不過我真係無心情 + 興趣慶祝自己生日住 , 等我 settle 哂所有o野 , 25/8 之後先 . 我係絕對唔會為o左自己慶祝而放棄其他正經事 .

18/8 : Yung , 牛一愉快 !!!

20/8 : 集体放 Senior 飛機 , 一齊食 Lunch , 實在太爽 . 對我o黎講今日算係最o岩傾o既靚靚女同事 Last Day , 之後兩日都應該唔會返公司 . 終於問到佢個全名 , 哈 ! 實際上只係一個月多少少 , 不過始終無機會同佢一齊出 Job , 祝佢新工好運 !!! 終於死掂o左份 F&I , 萬分感激 林曉茵同 Connie !!!

23/8 : 琴日o黎隻 "鸚鵡" , 9 號風球 , 超爽 , 多一日假期 . 仲爭一份 Assignment ; 仲有幾日就過 25/8 , 可以有時間約人 , 實在太好 .

25/8 : 終於交埋份 Assignment , 我自由喇 !!! 雖然仲要清埋最後一份 PBE , 但起碼暫時解決o左我最憎o既 Assignment 先 , 實在太好 !!! 

29/8 :  哈 , Y 文份 Final Pass o左 , 真係恭喜哂 , CPA !!!

30/8 : 之前幾日放工一係上堂 , 一係聽 Seminars , 今晚終於可以出去 , 實在太好 . 放工同幾個同事一齊 Lunch , 再返 City 溫書 . 六半左右同刀仔一齊去買烏龜 , 再等齊十一人上 Cafe . 凌晨再轉戰 @ My Home . 大家朝早先散 . 卑鄙個 Look 好o左 , 刀仔原來有化妝 , 不過始終最鐘意係李偉峰排朱古力 , 真係呃到人 . 其實好多都有半年無見 , 雖然有o的私底下有自己約 , anyway , 希望下次見面o既日子唔會太遠 , 一年見到三 , 四次已經好好 . 今晚 , 多謝大家 !!!

3/7 : 同o係上環返工o既李偉峰食 Lunch , 由o係城大識佢到宜家 , 好似係第一次同佢咁食 .

4/7 : 落牛頭角個客度 , 有個 Audit 係 PWC , 上年畢業 , 讀 Finance , 真係好有魅力 , 自愧不如 . 一個月都末夠 , 剪鬼o左個死人頭 .

5/7 : 食 Grandmum 生日飯 !!!

8/7 : o係牛頭角o既 Last Day , 同o係附近返工o既郭生食 Lunch .

10/7 : 落上環 , 同關小刀共晉午餐 , 真係好 , 多謝多謝 , 哈哈 .

11/7 : 放工o係太古行o左個轉 , 都 ok 好行 , 都算幾大 , 不過如果唔係o係度出 Job , 都唔會過o黎呢邊行 , 畢竟始終唔係咁順路 . o係 Timberland 睇到件恤衫 , 如果再平o的都幾想買佢返屋企 . 終於睇完第三本 ..... 暫時見到最靚o既係 Poly U 個 Junior , 跟住係 LU , 最蠢o既係 CU . 真係唔太鐘意同o的蠢人一齊做 ... 點解唔俾個靚o既我 , 俾個咁蠢o既我做咩 ..... 

14/7 :  同林小姐 Lunch @ 銅鑼灣 , 食我o既至愛 , 女人化o左妝的確唔同o的 , 可以遮o左o的缺點 . 今晚見工 , 真係好失敗 , 完全明白自己完全末掂 . 林曉茵 , 我識寫你個名 !!!

15/7 : 出 Job 又見到個 PWC , 一個人做 , 做到夜晚大家o係度講o下 , 知多o左大行o的o野 . 真係好佩服 , 一年已經考哂 , 仲咁捱得 , 而且仲係個女 . 我都想知第時我可唔可以咁 .

16/7 : 問 Senior 個新仔識o的咩 , 條粉皮淨係話對佢有期望 , 咁即係點 , 頂 !!! 夜晚過佐敦拎o的 Learning Materials , 計 PBE 同 Part Time Degree , 手頭上有六科o野要讀 , 希望七月尾前可以清哂 . 再同符生 Dinner @ 元綠 , N 世無食過元綠 , 以佢個價錢 , 我係絕對唔會食 , 除非條女鐘意另計 .

17/7 : 哈 , 全靠李偉峰 , 先知原來上環都有其他地方食o野係 ok !!!

18/7 : 今朝o係公司真係超級尷尬 , 無意中俾 Senior 見到我隻 USB 個搵工 File , 哈 , 不過算 , 反正都預o左唔做 , 決定o左呢一兩個月再搵唔到 , 就十一月十日係我o既 Last Day . 估唔到 Sam 都係讀 BU Part Time Degree , 原來佢就係我個舊同事個表弟 , 真係估唔到 , 世界真係細 .

19/7 : 估唔到 Ah Man 以前都讀過華德小學 , 真係搞笑 . 同鄭子因傾o左個一粒鐘o既電話 , 除o左覺得好多粗口之外 , 就係決定出年提名佢參選港男 , 請各位出年支持 8 號鄭子因 !!!

21/7 : 放工去o左 ftc 聽 Seminars , Paper 3 條友真係有o的料到 , 不過我都末必會上雞精班 , 又返工 , 又 Part Time Degree , 仲要溫四份 PBE , 真係無時間再上堂 . o係彩虹又見到矮肥 . 返到屋企 , 食完飯 , 同個靚女同事狂傾 Msn , 傾完真係仲精神過飲咖啡 , 正呀 !!!

23/7 : 林曉茵個新髮型令我覺得佢似個十八歲小妹妹 , 哈 ..... 我o既第一餐 , 竟然要到夜晚十一點先有得食 .....

26/7 : 呢個星期真係每日返完工再返 BU 上堂 , 今日上完堂終於算有時間o係又一城行個轉 , 原來我有好多o野都想買 , 睇中o左 Chevignon 件褸 , 之前一路都好鐘意o個件 Tommy 恤衫六折呀 , 仲有 Puma 對鞋 ..... 唉 , 但無錢消費呀 !!!

27/7 : 6 人海逸酒店 Buffet ..... 好飽